8 replies to this topic

[D.AMA]

السلام عليكم . . . .

كيفكم يا جماعة . . . . والله اشتقنا


وأخيرا استقرت الامور وخلصنا امتحانات . . . . وان شاء الله نرجع نلتم نحنا الاعضاء كلنا سوا من جديد

وبمناسبة انتهاء الامتحانات . . . . بدي من الأعضاء يتفاعلوا مع هالمناسبة

يعني . . . . كل عضو يخبرنا كيف قدم امتحاناته ؟؟

يخبرنا شوي عن دراسته متل شو هو فرعه و بأي سنة صار ؟؟

اذا اتخرج هالسنة شو مخطط للمستقبل . . . أو على الاقل شو مخطط لهالعطلة الصيفية ؟؟

واذا كان متخرج من زمان يخبرنا كيف الحياة العملية وكيف الحياة ما بعد التخرج ؟؟



بتمنى اي حدا يشوف الموضوع . . . . يكتبلنا رد عن وضعه الدراسي . . . ولو بكلمات قليلة

ومبروك للجميع . . . واجازة جميلة للجميع

تم تعديل هذه المشاركة بواسطة D.AMA: 01 July 2010 - 01:59 PM

[اللوردالسوري]

وعليكم السلام ورحمة الله وبركاته
هلا وغلا بالورد أبوحميد الورد
هاي ياسيدي امتحاناتي كلها تمام التمام باستثناء مادة
توكلنا على الله وان شاءا الله تنجح
انت شلون موادك ان شاء الله كلها تمام

[D.AMA]

أهلا رامي الغالي . . . . .

مثل ما قلتلك من كم يوم . . . . موادي كلها تمام والاوضاع مستقرة جدا باستثناء مادة وحدة ما نجحت

وكان الغلط فيها عالدكتور مو علي

والحمد لله صرت سنة رابعة . . . . . بقولوا السنة الرابعة صعبة . . . ولحد الآن المعلومات عنها غامضة وجدا قليلة بالنسبة الي

للصيف حاليا مخصصه للراحة والتواصل مع الاقارب والأصدقاء . . . . لأن انا بصراحة مقصر جدا من هالناحية

بس في عندنا بعد شهر دورة طبية بحلب بتستمر شهر . . . . سجلت فيها بس بعدين تندمت *_*

وما بعرف اذا كنت فعلا رح روح ولا لأ . . . .


ماذا عن باقي الأعضاء ؟؟؟

[Waddah]

والله يا خويي بما اني واحد من باقي الأعضاء الكرام

ما في شي جديد من الشغل لللبيت ومن البيت للشغل

حياة مملة وروتين عمل قاتل

يعني ااااااااااااااه على ايامك يا دير

بس الحمدلله على كل حال هي كم عشر طعش سنة ونرجع

ونقول الحمدلله

وكمان بلش الصيف وجوه الرائع الحلو الي يشبه جهنم الا شوي

بس شو بدنا نعمل هي الحياة

وان شاء الله نقدر نكمل هالصيف هي اذا ما سحنا من الشمس

وشكرا وأسف عالإطالة

ونستنى الكاتو تبع النجاح أبو حميد

[هزيم الرعد]

انا خلصت امتحاناتي والحمدلله
التقديم كان نص ونص
بس الحمدلله على كل حال

[نور و نار]

مرحبا أحمد .. مرحبا لكل الاعضاء ...

امتحاناتي كانت منيحة .. والحمد لله ..

السنة الجاية انا بكلوريا ... وبيعين الله ..

هالصيفية مو نازلين لمحل ..

بس عالاغلب حنسافر عالرياض ..

مخططاتي لهالصيفية .. لازم التواصل المستمر معكن ..

ووووووو حابة أقرا كم شغلة ملي فيها وقت فراغي ... لانو القراءة هوايتي المفضلة ..

ووووووووو ... وبس

الله يبارك فيك أحمد ... ومبروك الك كمان انو خلصت امتحاناتك ..

وعقبال ما نسمع انك تخرجت وصرت دكتوووووووووور ..

بس على قولة وضاح .. شو صار بقالب الكاتو .. والله جعنا .. !

[اللوردالسوري]

وين مين لوين اشو كاتو

[فرح87]

قاعدين مبلطين على النت

[D.AMA]

شو كاتو ما كاتو . . . لو كان الموضوع فيه تخرج كان قلنا فيها و ما فيها . .هو ترفع عالسنة الرابعة . . يعني مو حرزان بس يلا . . . بما انكن اغلى اعضاء . . الكم احلى عزيمة على اطيب قالب كاتوبس ابو الريم بعرفه بحب الفلافل . . يعني على ما اظن بعزيمة من ابو دليل رح يرضى فيهااي . . . مبروك للجميع . . الظاهر النجاح و التوفيق ملازم اعضاء منتدانالكن . . . هزيم الرعد و فرح . . كنا نتمنى نعرف اكتر عن دراستكم شكرا . . . احلى شباب