0
- من المواقف اللي معظمنا مر بها هي انو منكم بالفحص عم نحل بشكل ماشي حالو بس بيوقف نجاحنا بالمادة على كم علامة أو كم سؤال ومنعصر مخنا عصر وما منتذكر الجواب او منكم ما نعرفو اصلا ، فبيووسلنا الشيطان او النفس الاماره بالسوء انو ننقل من شي حدا واللي ما صار معو هالشي فهو يا اما شاطركتير كتير ياإما ملاك واذا كانت النفس اللوامة عايشة فيه لسه فبيصير بين النفسين صراع ونقاش .والطالب قاعد بالفحص و محتار ......
النفس اللوامة : ما تتنقل ،حرام ، من غشنا فليس منا .......
النفس الامارة بالسوء: لكن مو حرام ترسب بالمادة مشان كم علامة ؟؟؟؟؟
اللوامة
..... من يتقي الله يجعل له مخرجا، ويرزقه من حيث لا يحتسب ...)*.الامارة : يعني كل شغلة بتعملوا منها قصة كبيرة، الطلاب كلهم يتنقلوا من بعض .
اللوامة : شيوع الحرام لا يحلله.
الاماره : لما بكره بترسب بالمادة ،أنا مادخلني ، انا نصحتك ، يعني لو في حل ثاني انا ما بقصر.
اللوامة : قبل ما تتنقل من رفيقك أوتناجيه ، ناجي رب العالمين .
الامارة : ما تنسى البهدلة اللي بدك تاكلها من ابوك وامك لما ترسب .
اللوامة : لما بتنسى قول اللهم يا جامع الناس ليوم لا ريب فيه اجمع علي ضالتي
لما بيصعب عليك شي قول": اللهم لا سهل الا ما جعلته سهلا وانت تجعل الحزن ( الصعب) اذا شئت سهلا .وكمان قول:
اللهم اغنني بحلالك عن حرامك
ورح يمشي حالك ان شاء الله .
الامارة: تخيل بكره الكل ينجح وما في غير انت راسب شو رح ينحكى عليك عن جد بيكون موقف بيضحك....
اللوامة : يمكن جواب رفيقك غلط ،ولو كان صح يمكن ماتنجح ، ولو نجحت بهالمادة يمكن الله يعاقبك بأنك ترسب بماده تانية ما غشيت فيها و كنت متأكد من النجاح ، او حتى لو نجحت يمكن ما يكون خير إلك لانك ما بتعرف وين الخير ( عسى أن تكرهوا شيئاً وهو خيرٌ لكم وعسى أن تحبوا شيئاً وهو شرٌ لكم والله يعلم وأنتم لا تعلمون )**
الطالب بطل يغش .
النفس الأمارة : إيه أنا عملت اللي علي وزيادة .
ان شا الله الموضوع يعجبكم ويفيدكم وبتمنى تحطوا هالكلمات ببالكم وتتذكروها بكل امتحان .
نصيحة خالصة لوجهه تعالى .
* الآيات (2،3) من سورة الطلاق
** الآية (216) من سورة البقرة
منقول بتصرف
